謝影雪可能最後一次參加奧運、教練都即將退休，激動心情難以言喻。佢同鄧俊文互相多謝對方，因為一齊努力將彼此帶到去呢個體壇最高嘅舞台，打出亮眼成績。
有無奬牌，一樣驕傲。雖然遺憾未能踏上領奬台，但你哋贏咗自己，亦都贏咗香港人嘅心。多謝你哋❤️
今早聽完孔教練嘅說話，真心覺得體育運動除咗振奮人心，仲係有好大嘅凝聚力。眼見運動員係逆境中堅持再堅持，勝不驕敗不餒嘅精神，佢哋帶俾香港人嘅，除咗精彩嘅比賽，仲係一種溫暖同安慰。香港人過去兩年真係未試過全城咁開心，學森哥話珊珊係香港最低潮時攞一面金牌，今屆唔止一金兩銀，仲有好多好多團結人心同感動嘅畫面。在一起，永不放棄。
多謝香港運動員，香港運動員個個勁揪！
Search